Schö cha jede so si wiä er möcht!

mängisch stoht me wiä bstellt und nöd abgholt i de Gägend ume....

me hät sich selber immer debi....

S'denke, s'Träume cha niemert eim wäg neh.... GROSSARTIG!

Mensche sind's wunderbarschti wos git - Jede so verschiede, jede so einzigartig, jede so verletzlich, so selbständig und doch so abhängig.

Jede sött sich selber am meiste luege. Ohni eige Liäbi funktionierts nöd. Wiä mieslich wänn me sich überhaupt nöd mag und sich gliech immer debi muess ha! Schö wänn de besti Fründ/in, sich selber - de kei Gheimniss hät und alles teilt, immer cha debi ha. Me isch niä ellei und cha lerne, so viel gnüsse.

Persönlich setz ich mich scho lang mit verschiedenste Denkwies und Läbestechnike usenand. Es isch so spannend!
Gern lauf ich es Stückli vo Ihrem Weg und loh Sie die eige Liäbi entdecke.

Mit eme gsunde Mass a Akzeptanz und Toleranz isch scho viel Guet. Es git viel richtigi Asichte!

Mis Motto isch: always look on the bright side of life.....

Nur wänn me sich selber gern hätt, cha me anderi gern ha. Ohni Selbstliäbi isch d'liäbi zu andere verlöchert. Diä Selbstliäbe cha me lerne.