Säge und si, das isch nöd s'glieche!

Hüt ghörts zum guete Ruef zum Positiv si. Hüt isch me doch eifach positiv!

Aber sim mer da würkli? Wänn alles guet lauft, isch es kei Problem zum positiv sie..... Aber wänn mer krank werdet?...wänn me öpper durch Trennig oder Tod verlüüret?...wänn me de Job verlüürt?... wänn me?...

Me chönt no viel Biespiel us em Alltag bringe.... bliebe me den dem Satz "ich bi en positive Denker." treu?

Positiv si muess me üebe. Da goht nöd vo hüt uf morn und me cha sich selber au nöd über s'Ohr haue. Positiv si, isch en Eigeschaft wo eim sehr cha unterstütze.
Es isch wiä es Goldkesseli wo mir mängisch au gern würdet e chly use schöpfe und verteile, für üs selber und üsi Umgebig.

Positiv si.... das brucht viel üebig! Fange mer doch etz a!

Gedanke beiflusset üs - Ich schaff gern mit Ihne und erweck diä viele  wundervolle positive Gedanke bi Ihne, demit Spirale ufwärts trüllt.

Mit de Muskeltests chönd Ungliechgwicht i Ihrem System ermittelt werde, wo sofort mit geignete Awendige / Üebige is Gliechgwicht brocht werde chönd. I de Kinesiologie cha de Klient fühle, erlebe und beurteile wiä d'Muskle gstärkt werdet und de Energiefluss aktiviert wird. Das führt zum positive Gfühl.

Möchtet Sie diä veränderig bi Ihne auch wohrneh - ich bi debi!

Es isch sinnvoll, dass de Klient sich no ere Sitzig Zyt nimmt zum Nochspüre vo de Zämehäng vom bearbeitete Thema. De Klient unterstütz damit d'Veränderig aktiv und i eigne Verantwortig.