Ziel setze und au erreiche? Zäme goht's besser...

Loss de Körper spreche - Kinesiologie git üs Antworte

Mis Ziel....
dass mir chönd üsers gschenkti do si, wo mir usgwählt und gstaltet händ, bewusst und z'friede läbe.

Mir alli wüsset, da isch nöd immer möglich - und vorallem gar nöd eifach. Mir erläbet üsi ups und downs und das isch au guet so. Alles hät sini Richtigkeit. Jedi Stimmig därf sie! Mir müend üs au nöd immer im Griff ha. Me därf au emol groggy si oder sich zruggziehe wänns grad passt.

Wichtig isch, dass me mit sich im Iklang isch. Dass de inneri Zfriedeheit bi eim bliebt und me sich selber bewusst gspürt. Das me bi sich bliebt!

Mängisch bruchts nöd viel und doch gsehts us wiä en unbeweglicher Huufe vor üs. De isch es schö, wänn me weiss wohi. Wänn me Vertraue cha schenke und mit öpperm neutral e gueti Lösig i eigene Verantwortig cha finde. Ich freu mi mit Ihne Lösige z'sueche.

 

Wiä funktioniert Kinesiologie - und für was?

S'Hauptinstrument vo de Kinesiologie isch de Muskeltest. Durch liechte Druck uf en Muskel teste ich, wiä de Muskel  uf unterschiedlichi Reiz reagiert.

Mit de Informatione, wo de Muskeltest üs priesgit, chönd mir gmeinsam Gliechgwicht im Köprer wieder herstelle. MIr findet use welli Balance geeignet sind, um diä Störige und Blockade z'beseitige und d'Energie wieder ufzbaue.

Kinesiologie wirkt uf verschiedene Ebeni - emotionali, mentali und körperlichi.

Gut usgliechendi Wirkunge erziehlt Kinesiologie unter anderem bi  Muskelverspannige, Schlafstörige, Erschöpfig, Stimmigsschwankige, Schmerze, Ängst, Traumas, Unfallfolge, eifach alles wo s'Gliechgwicht im Körper stört.

Im wietere führet Anwendige bi Lernproblem, Konzentrationsstörige und Lernblockade zum Erfolg.

Kinesiologie hilft eim Useforderige im Läbe meistere und drus lerne. Sie zeigt eim Muster uf und unterstützt eim diä z'durbreche. Gueti Vorsätz und Ziel chönd umgsetzt und realisiert werde. Sie hilft eim d'Rolle wo me im Läbe oder z.B. i de Beziehig spielt, erkenne.
Ich unterstütz Sie gern Ihri Grenze z'sprenge und neui Ufer z'endecke.
 

Kinesiologie hät immer e Wirkig!