Därf ich mich vorstelle:

mis Gschichtli

Petra Corradini

Ich bi mit mine Eltere als 3 Jöhrige Knopf no Südafrika usgwandert. Dött ha ich mini ganz Schuelzyt verbrocht und mit Matura abgschlosse. Im 1982 bi ich id Schwytz cho. Ha e KV-Lehr gmacht und no 3 Johr uf em Bruef gschafft, bis ich Muetter vo minere erste Tochter (1989) worde bi. 1990, 1992 und 1994 ha ich nomol en Sohn und 2 Töchter därfe gnüsse. Wunderbar.

Währed Chind chly gsi sind, ha ich mi als Spielgruppeleiterin betätigt. Spöter den ha ich es wyli als TEFL gschafft und au no Projekt mit früeh Englisch ufbaue. Wo's d'Mueterrolle erlaubt hät, bi ich wieder zrugg uf's Büro.  Ha immer wieder emol e Wieterbildig gmacht - dipl. Kauffrau, Marketingplaner und Frontofficermanagement. Bi jedoch im Bürojob niä richtig erfüllt gsi. 

Verschiedeni Phase im Läbe händ mich zwunge zum mis Gliechgwicht bhalte. E ständigs a sich schaffe hät e grossi Rolle gspielt. Da hät mi dezue gführt zum en Iblick neh i verschiedene Beriech. Demit isch mis Bewusstsi erwieteret worde und hät mir en andere Blickwinkel i viele Theme ermöglicht. Zu dem häts mi gstärkt. Währed dere Zyt ha ich au Kinesiologie kenneglernt. Jede Schritt isch en chlyne Stei i mim Mosaik gsi und ich bi immer no am sammle!

Kinesiologie fasziniert und berührt mi sehr. Ich möchte mine Mitmensche, wo au lust händ zum wietercho und ständig a ihrem Mosaik schaffe, begleite und unterstütze. Selbstwert, Klarheit, Muet und Kraft im eigene Läbe isch de Weg zu mehr Z'fredeheit und somit au  mehr Läbesfreud.

 

 

 

 

Ich bin dipl. IK Kinesiologin 
(Ausbildung IKAMED, Zürich)

 

Berufmitgliedschaften:
IK Fachverein
EMR - Qualitätslabel